Улсын Филармони үзэгч олон нийтийн хөгжмийн боловсролын хөтөлбөрийн хүрээнд “Сонгодог хөгжим” төслийг хэрэгжүүлж дэлхийн суут хөгжмийн зохиолчдын сор бүтээлүүдийг сурталчлах түгээн дэлгэрүүлэх зорилгоор сонгодог концертуудыг энэ дөрөвдүгээр улиралд үзэгчдийн хүртээл болгож байна. Уг төслийн нээлтийн тоглолтууд энэ сарын 15-нд “Дэлхийн хөгжмийн дээжис” нэртэй Морин хуурын чуулгын тоглолтоор эхэлсэн.

Улсын Филармонийн дараагийн тоглолтууд 11 сарын 13-нд Морин хуурын чуулгын “Carmen suite”, 11 сарын 20-нд “Баян Монгол” жааз найрал хөгжмийн ”City swing”, 11 сарын 27-нд симфони найрал хөгжмийн “В.А.Моцартын бүтээлүүд” тоглолтоор үргэлжилнэ. Нэгдсэн тоглолт 12 дугаар сарын 24-нд шинэ жилийн хөгжмөөр уярсан “Snow melody” тоглолтууд байх ажээ.