![](/uploads/201309/news/thumb/56b7bd274dfe3d066433faa6961d1354_x3.jpg)
Сирийн Ерөнхийлөгч Башар Ассад химийн зэвсгээ олон улсын мэдэлд шилжүүлэх болсон талаар өчигдөр Оросын “Россия 24” телевизэд өгсөн ярилцлагандаа мэдэгдлээ. Тэрээр энэ шийдвэрийг АНУ-ын цэргийн ажиллагаа явуулна гэсэн сүрдүүлгээс айсандаа биш ОХУ-ын санаачилгыг хүндэтгэж дэмжсэндээ гаргасан гэдгээ зориуд онцлон тэмдэглэсэн байна. Цааш нь Сирийг сүрдүүлж, террористуудад зэвсэг нийлүүлэхгүй байхыг АНУ-д сануулсан байна. Мөн энэ үеэрээ Химийн зэвсгийн конвенцод нэгдэх процессыг эхлүүлж, НҮБ-д холбогдох бичиг баримтуудыг илгээнэ гэжээ. Энэхүү мэдэгдлийг Орос, Америкийн Гадаад хэргийн сайд нарын тэргүүлсэн чухал уулзалт Женевт эхлэхийн өмнөхөн хийсэн нь ач холбогдолтой гэж ажиглагчид үзэж байна.
Башар Ассад химийн зэвсгээс татгалзахаа мэдэгдлээ | ||
Үзсэн: 3165 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.