Дундговь аймгийн Сайнцагаан сумын VII төвийн өрхийн эмнэлгийн барилгын өргөтгөлийн ажлын явц удаашралтай байна. Тус барилгыг Орон нутгийн сангийн 174 сая 999 мянган төгрөгийн хөрөнгөөр өнгөрөгч есдүгээр сарын 10-ны өдрөөс эхлүүлсэн бөгөөд энэ сарын 31-нд хүлээлгэн өгөх ёстой байсан боловч санхүүжилтийн 1.4 хувиас бусад нь орж ирээгүй гэх шалтгаанаар царцаад байгаа ажээ.

Өргөтгөлийн ажлыг “ДӨЛ БГМ” ХХК гүйцэтгэж байгаа бөгөөд өнгөрөгч аравдугаар сарын 30-ны өдрийн байдлаар барилга 70 хувийн гүйцэтгэлтэй байгаа талаар аймгийн Газрын харилцаа, барилга, хот байгууллалтын газраас хийсэн шалгалтын дүнд дурджээ.

Санхүүжилт яагаад зогссон талаар бид эргэн мэдээлнэ.