ОХУ-ын Москвад бөмбөгтэй хоккейн ДАШТ эхэллээ. Нээлтийн ажиллагаан дээр үзэгч, дэмжигчдээс өндөр үнэлэлт авсан манай багийнхан өнөөдөр Унгарын шигшээ багтай тоглоно. А хэсгийн шилдэг багууд Москвагийн “Рэдиссон-Славянская” дээд зэрэглэлийн буудалд байрлаж байна. Хэдийгээр барууны орны тамирчид олон ч хэн нь ч Москвагийн үнэ цэнээс айгаад юм худалдаж авахгүй байгаа аж. Манай тамирчид Б хэсгийн бусадтайгаа хамт  "Холидей Инн" хэмээх даруухан буудалд байрласан ч багийн тэргүүн нь өрөөний хөргөгчнөөс спиртийн холбогдолтой зүйлүүдийг хураахыг хүссэн байна. Нэгдүгээрт тамирчидаа эрүүл байлгах, хоёрдугаарт дараа нь өрөөний хөлсөө дийлэхгүй болно гэж айсан гэнэ.