Индонезийн нийслэл Жакартад одоо +32 хэмийн халуун байгаа аж. "One day Mongolia" арга хэмжээ болох тус хотын "Gran Melia" зочид буудал Монголоор "амьсгалж" байна. Таван одтой зочид буудлын хаалгаар ороход "Талын Монгол" дууны ая, морин хуурын татлагаар эгшиглэх нь хурсан олны сэтгэлийг хөдөлгөсөөр байгаа юм. Энд, тэнд Монголыг сурталчилсан зурагт хуудсууд, "Хөсөгтөн" хамтлагийн танилцуулгыг байрлуулжээ. Хамтлагийн танилцуулгын буланд сандал байрлуулж, хүсвэл сууж патиараа татуулах боломжтой аж. Яг одоо "Хөсөгтөн" хамтлагийнхан тоглолтын бэлтгэлдээ орчихсон, тун завгүй байна.