Монголын үндэсний урлагийн гайхамшигт дүр төрхийг буулган үлдээх зорилготой "Монголын үндэсний урлагийн гайхамшиг фото зурагт" гэрэл зургийн уралдааны бүтээлүүдийг маргаашнаас буюу энэ сарын 29-нөөс Saikhan.artstudio@gmail.com хаягаар хүлээн авч эхлэхээр болжээ. Бүтээлийг ирэх сарын 3-ныг хүртэл авах бөгөөд өөр хаягаар илгээх юмуу өөр газар зургаа хуулуулж үлдээснээс үүдэн гарсан асуудлыг хүлээж авахгүй болохыг зохион байгуулагчид мэдэгдсэн байна.

Уралдааны бүтээлд тавих шаардлага:
1. Уралдаанд оролцогчдын гэрэл зураг нь Дижитал хэлбэрт 20 MB-аас ихгүй, JPEG юм уу JPG формат байх ба хэвтээ зураг бол хамгийн багадаа урт нь 3,000 пиксел, босоо зураг бол өндөр нь хамгийн багадаа 3,000 пиксел, нягтрал 200 DPI-аас их үзэсгэлэн гаргахад зориулан хэвлэх шаардлагыг хангасан байна.
2. Мөн уралдаанд оролцогчид нь өөрийн ирүүлэх бүтээлийг олон нийтийн цахим сүлжээ, сошиалаар www.flickr.com , iso.500px.com зэрэг фото сайт блог, болон Facebook , twitter . instagram Pinterest зэрэг сошиалд ‪#‎mongoliannationaldance‬ ‪#‎mongoliannatinalsong‬ ‪#‎ДууБүжгийнчуулга‬ ‪#‎photosofmongolia‬ ‪#‎photo‬ ‪#‎camera‬ зэрэг хаягаар сурталчилна.

Үзэсгэлэнг Улсын дуурь бүжгийн эрдмийн чуулгын баярын тоглолтын дараа буюу ирэх сарын 12-13-нд гаргахаар болжээ.