Өчигдөр Хойд Америкийн үндэсний хоккейн лигийн 2015-2016 оны улирлын тойргийн тоглолтуудын хүрээнд нийт 10 тоглолт боллоо. Энэ өдрийн онцлох тоглолт дорнод бүсийн 7 дугаарт бичигдэж байгаа "Нью Жерси Девилс" улирлын ээлжит тойрог тоглолтынхоо хүрээнд бүсийнхээ 9-д бичигдэж байгаа "Детройд Ред Вингс"-ын талбайд зочлон тоглолоо. Тэдний хувьд улирлыг 17 хожил, 10 хожигдолтойгоор лигийг үргэлжлүүлж байна.

Нийтдээ 7 шайб хаалганд орсон энэ тоглолтод "Нью Жерси Девилс" өрсөлдөгчөө 4:3 харьцаатай хожсоноор 39 оноотой болж, лигийн 15 дугаарт бичигдэж байна.

Энэ өдөр "Нью Жерси Девилс" тоглолтыг тун ширүүн эхлүүлж, эхний үеийн 12, 13, 14 дэх минутад гурван шайбыг эсрэг багийн хаалганд дараалан хийлээ. Шайбыг баруун жигүүрийн тоглогч Кийл Палмери /Kyle Palmieri/, Канад довтлогч Жордин Тоотоо /Jordin Tootoo/, Дэвид Шлемко нар эсрэг багийн хаалганд хийв.

Харин "Детройд Ред Вингс" багийн тоглолт сэргэж, төвийн тоглогч Дийлан Лааркин, Майк Грийн /Mike Green/, Орос довтлогч Сергей Калинин нар гоолыг оруулаад байсан ч талбайн эздээс Рили Шийхан /Riley Sheahan/ хаалганд шайбыг оруулснаар тооны харьцааг 4:3 болгож ойртуулсан юм.

Харамсалтай нь тоглолтын үндсэн цаг дуусч "Нью Жерси" талбайн эзэн багийг 4:3 харьцаатай буулган авлаа. Ингэснээр тэд 17 хожил, 13 хожигдолтойгоор дорнод бүсийн 9-д бичигдэж, 39 оноотой лигийг үргэлжлүүлж байна.