Шууд Chart

Хилээр 64 хөлдөөсөн чоно гаргах гэж байсныг гаальчид илрүүллээ

2010-01-26 03:31:16

Дэлхийн гаалийн байгууллагын ажилтны өдөр өчигдөр тохиов. Гаальчид баяраа тэмдэглэж байсан энэ өдөр Замын-Үүд боомтод ажиллаж байгаа гаальчид хилээр хууль бусаар эд зүйл нэвтрүүлэх гэсэн ноцтой зөрчлийг илрүүлжээ. Энэ талаар тус боомт дахь гаалийн газрын орлогч дарга Ц.Алзахгүйбаатараас тодрууллаа.
-Танай гаалийн ажилтнууд нэлээд ноцтой зөрчил илрүүлсэн гэнэ. Хаанахын хэн хориотой ямар зүйл хилээр нэвтрүүлэх гэж байсан юм бол?
- Замын-Үүдийн гаалийн газрын байцаагчид маань нэлээд ноцтой зөрчил илрүүллээ. Манай улсын иргэн Н.Жадамбаа гэдэг хүн өөрийнхөө 09-37 УНГ улсын дугаартай ачааны “Hino” маркийн автомашинд 64 хөлдөөсөн чоно нууж улсын хилээр авч гарах гэж байсныг илрүүлэв. Тэрбээр машиныхаа тэвшийг хоёр хувааж нэгэнд нь хил давуулахаар зэхсэн чоноо нуусныг гаальчид ур чадвар гарган илрүүлсэн.
-Сүүлийн үед хилээр хөлдүү чоно гэх мэт ан амьтны гаралтай бүтээгдэхүүн гаргахыг завдаж буй хэрэг удаа дараа гарлаа гэдэг. Тэр этгээдүүдийг хэрхэн шийтгэдэг юм бэ?
-Ховордсон ан амьтан, ургамал, тэдгээрийн гаралтай бүтээгдэхүүнийг хилээр гаргахыг хориглосон олон улсын конвенц байдаг. Үүнийг зөрчин манай иргэд хууль бусаар ангийн түүхий эд гаргах гэсэн зөрчил сүүлийн үед нэмэгдэж байгаа. Бид тийм хүмүүсийг илрүүлэн хууль хяналтын байгууллагад шилжүүлэн шалгуулж байгаа.

Г.Равжаа
 

Нийтэлсэн: Б.Багабанди

Хилээр 64 хөлдөөсөн чоно гаргах гэж байсныг гаальчид илрүүллээ  
Үзсэн: 1680 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй