Багийн хөгжөөн дэмжигчдийн дунд явуулсан санал асуулгаар өнгөрсөн сарын шилдэг тоглогчоор төвийн хамгаалагч Деян Ловрен шалгарсан тухай Ливерпүүлийн албан ёсны сайтад мэдээлжээ. 12 дугаар сард тэд багаараа зургаан тоглолт хийж, гурван ялалт, нэг тэнцээ авсан бөгөөд Ловрений хамгаалалт энэ амжилтыг гаргахад чухал нөлөө үзүүлжээ.

26 настай Серб эр ивээн тэтгэгчийн шагналыг гардаж авсны дараа “Миний төлөө саналаа өгсөн хүн бүхэнд баярлалаа. Энэ бол нэр төрийн хэрэг. Сүүлийн саруудад би их хөдөлмөрлөсөн. Түүнийхээ үр шимийг хүртсэндээ баяртай байна. Гэхдээ багийн амжилт бол хамгийн чухал үзүүлэлт. Одоогийн сайн форм маань Юрген Клопп миний өөртөө итгэх итгэлийг сэргээж өгсөнтэй холбоотой гэж бодож байна” гэж ярьжээ.