8 настай Н.Анударь охин гэртээ нэг шинэ дүрэм зохиосон талаарх пост өнгөрсөн өдрүүдэд олон нийтийн сошиал хуудсуудад тарсан. Охин гэртээ хог цэвэрлэх, тоос арчих, аяга угаах гэх мэт ажил хийснийхээ хариуд гэр бүлийн гишүүдээс 250 төгрөг авахаар шинэ дүрэмдээ бичжээ. Харин охины ээж түүний саналыг зөвшөөрч хэрэв хийсэн ажил нь сайн байвал илүү мөнгө өгнө харин хангалтгүй байвал хасна гэсэн нэмэлт оруулсан байна.

Бид охины гэрт шинэ дүрэм мөрдөгдөж байгаа эсэх талаар түүний эгчээс тодруулахад одоо гэртээ Н.Анударь охины хийсэн ажлыг дүгнэдэг шинэ дэвтэртэй болсон гэлээ. Тэр дэвтэр дээр охины хийсэн ажлуудыг өдөр бүрээр нь дүгнэж бичдэг аж.

Хэрэв та хүүхдээ гэрийн ажилд сургахыг хүсч байвал энэ мэт урамшууллын аргыг хэрэглэж болох юм. Мөн хүүхдээ багаас нь санхүүгийн мэдлэгтэй болгохыг хүссэн хүмүүст ч иймэрхүү арга хэрэг болж мэднэ.