Төв Хятадын Хунань мужийн “Baofeng” нууранд хоёр жил орчим амьдарсан хар хунгуудыг "хуримлуулжээ". Ёслолыг зохион байгуулагчид эм хунд торон гивлүүр зүүлгэж, эр хунгийн хүзүүнд зангиа зүүжээ. Түүгээр ч зогсохгүй тэднийг улаан хивсэн дээгүүр алхуулж, андгай өргүүлсэн байна.

Хуримын үйл ажиллагааны талаар Хятадын en.people.cn сайтад мэдээлсэн бөгөөд энэхүү мэдээлэл тарсан даруйд амьтан хамгаалах нийгэмлэгийнхэн ёслолыг хийсэн залуусыг эрс шүүмжилж, “Амьтдаар зугаагаа гаргасан этгээдүүдийг хүн гэж хэлэхэд үнэхээр хэцүү байна. Бид энэ талаар арга хэмжээ авна” хэмээн  мэдэгджээ.