Хятадын цахим мэдээллийн хамгийн том хэрэгсэл болох chinanews.com-д хил заагласан өргөст торонд сүлбэгдэн амь тавьж буй тахь, цагаан зээрийн талаарх мэдээллийг гаргажээ.

Мэдээлэлд “Хамгийн ховор тахийн сүрэг болоод цагаан зээрийн төрлүүд баруун хойд Хятадын Цинхай нуурын ойролцоо нутагладаг гэх судалгаа бий. Харин манай улсад нутагладаг цагаан зээрийн ихэнх нь Өвөрмонголын тэгш өндөрлөгт тархсан байдаг. Гэтэл Цинхай нуурын орчмоор дайрч өнгөрөх хоёр метр хүртэлх өндөр өргөст торонд сүүлийн үед тахь болоод цагаан зээрийн сүрэг олноор өртөн үхэх болжээ. Хоол, тэжээлийн дутагдалд орсон амьтад бэлчээр сэлгэх гэж хилийн өргөст торыг давдаг бөгөөд хүч, тамир муутай зарим нь ийнхүү торонд сүлбэгдэн үлддэг байна. 2008 оноос хойш өнөөг хүртэл хийсэн судалгаанаас харахад 50 орчим тооны тахь өргөст торонд сүлбэгдэж үхсэн бол жил бүр 20 гаруй цагаан зээр хилийн торонд дүүжлэгдэн амь тавьдаг ажээ”  гэж бичсэн байна.