Хар жагсаалтад орсон хүмүүсийг бид сонгохгүй, цагаан жагсаалтад орсон хүмүүсийг бид сонгоно “Хулгайчгүй Монгол” гэсэн давалгаа сүүлийн үед залуучуудын дунд хүчээ авч байна. Эхэндээ тоглоом ч юм шиг, шоглоом ч юм шиг Монголын Залуучуудын Холбоо юу л хийгээд байна даа гэж иргэд шүүмжлэлтэй хүлээж авч байсан нь нууц биш. Тэгсэн сүүлийн үед залуучууд дуу хоолойгоо нэгтгэж, хүч түрэн орж ирж, уухайлан дэмжсэнээр энэхүү хөдөлгөөн эрчийг авч, хамрах хүрээ нь улам тэлсээр 21 аймаг 330 сум, нийслэлийн 9 дүүрэгт мандан бадарлаа. Өчигдөр гэхэд л амралтын ганц өдрөөр Монгол орны өнцөг булан бүрээс ирсэн МЗХ-ны залуучууд төрд шургалсан хулгайчдыг төрөөс чөлөөлөхөд өөрийн дуу хоолойгоо нэгтгэцгээлээ. Амралтын өдрийн сошиал тренд байсан гэж хэлж болохоор байлаа.

МЗХ-ны Ерөнхийлөгч А.Мөнхбат “Монгол биднийг харж, хүлээж байна. Хариуцлагатай ажлаа хийж хулгайчдыг төрөөс чөлөөлье”, хэмээн жиргэсэн бол залуучууд “Хулгайч нар худалдаж авсан мориороо бахархаж наадаж байхад тэднийг төрөөс хөөх залуус төлөвлөгөөгөө ярьж байна#Дүнжингарав” хэмээн хүчтэй, зоригтой жиргээ, постууд сошиал ертөнцийг давалгаалуулаад авлаа. Залуучуудаа ингэж нэгдэж байгааг харсан бусад залуучууд ч очиж нэгдье, тэмцье, хамтаръя гэсэн хариу постуудыг явуулж байгаа харагдсан юм. Төрд хямрал биш хулгай нүүрлэсэн нь үнэн болсон өнөө үед залуучууд ингэж хүчтэйгээр нэгдэж, Монгол оронд сэргэн мандалт хийхээр зориг шулуудаж байгаа нь сайшаалтай байна.

Амралтын өдрийн сонин үүгээр дуусаагүй ТМ телевиз дээр сувгаа тааруултал 100 хар үйл явдал “Гааль тойрсон дуулиан” гэсэн “Хулгайчгүй Монгол” шууд нэвтрүүлэг гарч байна. Гаалиар хориотой бараа оруулж ирж байгаа бичлэг гаргаж манай гаалийн хяналт шалгалт ямар сул байгаа талаар баримттай видео үзүүлж гааль, татварын газрын байцаагчийг маш их сандралд оруулж байгаа харагдсан. Өнөөдөр Гааль, татварын газрын хурал ширүүн болж байгаа байх.

Залуучууд хүчээ нэгтгэж 16 оны сонгуульд хулгайчдыг төрөөс чөлөөлж чадах эсэхийг л харах үлдлээ.