-МҮОНТ нь 46 жилийн тэртээгээс тасралтгүй хөгжиж, техник технологио шинэчилсээр ирсэн. Өнөөдөр манай телевизийн 150, 600 студи, удирдлагын төв аппарат маань бүрэн тоон системд шилжиж шинэчлэгдлээ. Өнөөдрөөс буюу энэ сарын сүүлчээс эхлэн аналог технологийг халж, тоон системээр үзэгчдэд хүрч эхэллээ. Энэ нь дамжуулах системийн болоод нэвтрүүлгийн дуу, дүрсний чанар сайжирна гэсэн үг юм. Тийм учраас өнөөдөр бол орчин үеийн телевизийн шинэ үеийн техник хэрэгжиж эхэлж байгаа түүхэн өдөр. Мөн 2014 оны 1 сарын 1-нээс МҮОНТ маань нэвтрүүлгээ “HD FORMAT”-аар нэвтрүүлж эхлэх баяртай мэдээг үзэгчиддээ дуулгахад таатай байна. Тэр бүхний суурь өнөөдөр тавигдаж байна.

Н.Ц: 1967 оноос хойш 46 жил улиран өнгөрчээ. Цаг хугацаа их хурдан өнгөрдөг юм байна. Энэ хугацаанд зарчмын шинжтэй  техникийн гурван үе шатыг бидний үе хийсэн. Өнөөдөр тоон технологид шилжих бүх зүйлийг бэлэн болгох хамгийн хариуцлагатай, хамгийн сүүлийн шат болж байна.

Н.Г: Төв аппарат HD FORMAT болох юмсан гэж техникийн ажилтны хувьд 80-аад оноос эхлэн мөрөөдөж байлаа. Өнөөдөр энэ мөрөөдөл минь биелж байна. Үеийн үед ажиллаж байсан монголын телевизийн инженерүүдийн мөрөөдөл өнөөдөр биелж байна. 

Тоон системийг энгийнээр ойлговол бид гэртээ дуу, дvрсний єндєр нягтралтай(HD), чанартай дvрс бvхий телевизийг олон сонголттойгоор хvлээн авч vзнэ гэсэн vг юм. Телевизийн антень хөдөлгөж, дэлгэцийн эрээлжлэлд нүд бүрэлздэг байсан цаг тvvх болон vлдэж, Монголын телевизийн хєгжилд томоохон хувьсгал ийнхүү гарлаа. Дэлхий нийтээр нэгдэж буй тоон систем Монголын vзэгчдэд таахын аргагvй олон гайхамшгийг мэдрvvлэх биз ээ.