Сэлэнгэ аймгийн Баруунбүрэн сумын хоёрдугаар багийн нутаг “Их-Ухаа” гэдэг газар хаваржиж буй Сумын манлай малчин Б.Цэцэгмаагийн хотонд ямаа дөрвөн ихэрлэжээ. Энэ талаар тодруулахаар бид сумын Засаг дарга Ж.Наранцэцэгтэй утсаар холбогдсон юм. Тэрбээр “Өвлийг их хатуу болно гэж хүмүүс ярьж байсан ч харьцангуй сайхан өвөл боллоо. Саяхнаас мал төллөж эхэлсэн. Мал төллөлт сумын хэмжээнд 20-30 хувьтай байна. Ер нь энэ хаврын хувьд ихэр төл их байна. Дөрвөн ихэр ишиг дөрвүүлээ эр" гэсэн юм.

Харин бид малчин Б.Цэцэгмаатай холбогдоход "Одоогоор 300-гаад бог мал төллөөд байна. Эдгээрийн дунд 25 гаруй ихэр байна. Дөрвөн ихэр ишигний хувьд анх удаа ийм тохиолдол гарлаа. Манай хотонд өмнө нь мал ихэрлэж байсан ч дөрвөн ихэрлэж байгаагүй. Олны дунд бог мал ихэрлэх нь сайн л гэж ярилцдаг. Бод мал муу л гэдэг юм билээ" гэж ярилаа.

Түүний хувьд Дархан-Уул аймагт "Ойн нөхөрлөлийн семинар"-т сууж байгаа ажээ.