Мануулын биеийн урт 50-62 см, сүүлний урт 23-31 см, чихний урт 4-6 см байдаг. Биеийн жин 2.5-4.5 кг. Зүс саарал ухаагаас шаравтар бидэр, толботой. Сүүл богино, хар бараан гархи маягийн хөндлөн судалтай.

Ороо нийллэг хавар хоёрдугаар сард болно. Хээл тээх хугацаа дунджаар 65-67 хоног. Эм мануул 3-6 ногоолой /манжуухай/ төрүүлнэ. Байгальд 10 хүртэл жил насална.

Мануул ойт хээр бүх хэв шинжийн хээр, хад чулуут бэсрэг уулс, өндөр уулархаг нутаг, говь цөлийн хадат уулсаар тохиолдоно.