Үндэсний телевиз
Цагийн хүрд
Найм арваннэг
Долоо хоног бүрийн даваа гарагт хуралддаг хуваарийн дагуу УИХ дахь АН-ын бүлэг өнөө өглөө ээлжит хуралдаанаа хийжээ. Хуралдаанаар хэлэлцсэн асуудлын талаар тус бүлгийн дарга Б.Гарамгайбаатар болон дэд дарга С.Одонтуяа нар мэдээлэл хийв.
АН 2016 оны сонгуульд орох мөрийн хөтөлбөрөө боловсруулж эхэлжээ. Тодруулбал, мөрийн хөтөлбөр боловсруулах 15 дэд ажлын хэсгийг ажиллуулж байгаа аж. Харин өнөөдрийн бүлгийн хуралдаанаар тус ажлын хэсгүүдийн мэдээллийг сонссон гэдгийг бүлгийн дарга Б.Гарамгайбаатар хэллээ.
Тодруулбал, 15 дэд ажлын хэсэг нь мөрийн хөтөлбөрт өөрчлөлт оруулах болон шинээр оруулах саналуудаа боловсруулж танилцуулсан байна. Бүлгийн гишүүд шинэ саналтай танилцаад “Монгол хүн 2020” хөтөлбөрөө үргэлжлүүлж мөрийн хөтөлбөрөө боловсруулах чиглэл гаргажээ. Түүнчлэн АН-ын Үндэсний зөвлөлдөх хорооны хуралдаанаар мөрийн хөтөлбөрөө боловсруулсан хэлбэрээр нь оруулах юм байна.
Үүнээс гадна бүлгийн хуралдаанаар Сонгуулийн ерөнхий хорооны гишүүнийг томилох тухай асуудлыг хэлэлцэхээр байсан боловч хойшилжээ.
| АН мөрийн хөтөлбөрөө боловсруулж эхэлжээ | ||
| Үзсэн: 1347 | Mongolian National Broadcaster |
У.Баярсайхан
Т.Болор-Эрдэнэ
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.