Үндэсний телевиз
Цагийн хүрд
Найм арваннэг
Дэлхийн хамгийн сонирхолтой, тайлагдаагүй нууцлагуудын талаарх ээлжит мэдээллээр бид толгой нь нэвт гэрэлтэж харагддаг нэгэн загасны тухай товчхон танилцуулах гэж байна. Макропинна Микротосма буюу дэлхий нийтэд “Barreleye” нэрээр нь мэдэх энэхүү сонин загасыг эрдэмтэд 1939 онд анх нээн илрүүлжээ.
Атлант, Номхон болон Энэтхэгийн далайгаар нутагладаг эл өвөрмөц загасны толгой болон нүдийг эрдэмтэд түлхүү судалжээ. Нэвт гэрэлтсэн толгойн хэсэгт байх хоёр ногоон бөмбөлөг хэлбэртэй зүйл бол түүний нүд, харин жижигхэн аман дээрх анисан хоёр нүд шиг зүйл нь түүний үнэрлэх эрхтэн юм.
Гэрэлтэй үед түүний нүд тод ногоон болох ба сэлж байхад нь нүд нь хөндлөн, харин идшээ олохдоо босоо хэлбэртэй болдгоос эрдэмтэд энгийн загас шиг харж чаддагийг тогтоожээ. 1939 оноос хойш амьд төрөл зүйлтэй нь тааралдаж байгаагүй эрдэмтдийн багийнхан 2004 онд амьд төрөл зүйлийг олж судлан ийн дүгнэлтийг хийжээ.
| Нэвт гэрэлтдэг толгойтой загас | ||
| Үзсэн: 3148 | Mongolian National Broadcaster |
У.Баярсайхан
Т.Болор-Эрдэнэ
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.