Замын цагдаагийн газар, Нийслэлийн Агаарын чанарын албатай хамтран “Дэлхийн замын аюулгүй байдлыг сайжруулах” аяны хүрээнд Ялалтын талбай, МУИС, Зүүн 4-н зам, Баруун 4-н зам орчим нийт дөрвөн цэг дээр орчны агаарын бохирдлын хэмжээг тогтоож, тээврийн хэрэгслийн хөдөлгөөнт үетэй харьцуулсан  хэмжилтийг  2 үе шаттайгаар  тавдугаар сарын 28-ны өдөр,  энэ сарын 04-ний өдөр буюу  “Авто машингүй өдөр” тус тус  08:00-18:00 цагийн хооронд авто замын хөдөлгөөнийг  түр хугацаагаар нийслэлд хаах болсонтой холбогдуулан хэмжилт хийж үзжээ.

Ингэхэд NO2-азотын давхар ислийн агууламж авто машинтай өдрийн хэмжилтээр бүх цэгүүд дээр авто машингүй өдрийн утгаас 2 дахин давсан үзүүлэлттэй байгаа нь тээврийн хэрэгслийн түлшний шаталтаас уг хий замын дагуух орчинд ихээхэн хэмжээгээр хаягддаг болохыг харуулж байна. 

---

	Авто машингүй өдрөөр агаарын чанарт туршилт хийжээ
Үзсэн: 1475	Mongolian National Broadcaster