Үндэсний телевиз
Цагийн хүрд
Найм арваннэг
Европын аварга шалгаруулах 15 дахь тэмцээний 51 тоглолтын дараа аварга баг тодорлоо. Франц, Португалын шигшээ багуудын тоглолт Францын нийслэл Парис хотын Стадэ Франц цэнгэлдэх хүрээлэнд манай цагаар 04:00 ээ-с эхэлсэн. Нийт 120 минут тоглосны эцэст Португалын шигшээ баг ялалт байгуулж, аварга боллоо.
Тоглолтын үндсэн цагт буюу 90 минутанд гоол оролгүй цаг сунгасан. Хоёр багийн тоглолт нэмэлт цагт шийдэгдэх болсон бөгөөд Португалын шигшээ багийн дасгалжуулагч өөрийн сүүлийн сэлгээний эрхээрээ тус тэмцээнд 1 ч минутыг талбай дээр өнгөрүүлж амжаагүй байсан Африк гаралтай довтлогч Эдэрийг оруулж ирсэн. Эдэр 25 орчим метрээс баруун хөлний хүчтэй цохилтоор гоол оруулснаар Португалын шигшээ багт анхных нь тив дэлхийн цомыг авчирлаа.
Нутагтаа болсон 2004 оны Европын аварга шалгаруулах тэмцээнд аварга болж чадалгүй нулимстай хоцорч байсан тэд энэ удаад талбайн эздийг нулимстай хоцроож аварга боллоо.
| Португалын шигшээ баг аваргаллаа | ||
| Үзсэн: 1327 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.