МҮОНРТ нь “РИО 2016”-г албан ёсны эрхтэйгээр шилдэг, хөтлөгч тайлбарлагчдаар дамжуулан таны сонирхолд нийцүүлэн шууд дамжуулан хүргэнэ. Энэ хүрээнд нийт шилдэг тайлбарлагч нартай хамтран ажиллах гэрээ байгуулаад байгаа юм. Тэдгээр тайлбарлагчдын талаарх мэдээллийг уншигч та бүхэндээ цувралаар хүргэж байна.

Сагсан бөмбөг тайлбарлагч Ганбатын Идэр-Ууган

“MNB sport” сувгаар наймдугаар сарын 6-наас 21-ний өдрүүдэд  “Сагсан бөмбөг”-ийн тэмцээний сонирхолтой тоглолтуудыг “Eagle TV”-ийн спортын албыг үүсгэн байгуулагч авъяаслаг, чадварлаг монгол залуучуудын манлайлал болж яваа  Ганбатын Идэр-Ууган тайлбарлана.

Ганбатын Идэр-Ууган нь 33 настай, эхнэр хоёр хүүхдийн хамт амьдардаг. Арван жилийн, 45, 93-р дунд сургууль, Австралийн “Kent Street Senior High School”, “Central TAFE” коллежийг санхүүч мэргэжлээр, АНУ-ын Чикаго хотын “Harold Washington”, “East-West University”-д бизнессийн удирдлагаар суралцсан.

Ажлын туршлага:

- 2005 онд Eagle телевизийн захирлын туслах,
- 2006 онд Eagle телевизийн спортын албыг үүсгэн байгуулж, албаны ахлах, NBA TALK нэвтрүүлгийн хөтлөгч,  редактор,
 - 2008 онд МҮОНРТ-ийн гадаад харилцааны хэлтсийн захирал,
- 2010 онд Боловсрол Суваг телевизийн спортын албаны дарга, Ерөнхий Продюссер.
- Монголдоо NBA-ын бүтэн тоглолтыг шууд дамжуулах ажлыг санаачилсан,
- 2010-2012 онд орон даяар шууд дамжуулах төслийг ахалсан.
- Sport Box сувгийг үүсгэн байгуулагч, гүйцэтгэх захирлаар ажиллаж байсан.
- Телевизийн салбарт ажиллаж байх хугацаанда Монголын сагсан бөмбөгийн спортыг хөгжүүлэхэх хувь нэмэрээ оруулж, МСБХ-г дэмжин ажиллаж, Оюутны Лиг төслийг сэргээж, Сагсан Бөмбөгийн Наадам тэмцээн, Сайн Үйлсийн Төлөө аяныг санаачилж, нийгэмд хувь нэмрээ оруулж яваа залуу юм.