Эмэгтэйчүүдийн 100 метрийн  эрвээхий сэлэлтийн төрөлд  Шведийн  тамирчин Сара Сиостром тэргүүлж алтан медалийн эзэн болсон билээ. Тэрбээр шагналаа гардсаныхаа дараа сэтгүүлчдэд дараах ярилцлагыг өгсөн юм.

-Шагналын тавцан дээр зогсож байхад тань юу бодогдож байв?
-Тэр гайхамшигтай цаг мөчийг юу гэж илэрхийлэхээ сайн мэдэхгүй байна. Ямартай ч төвлөрч, тайван байхыг л хичээж байсан.

-Өөрийн амжилтыг юу гэж дүгнэж байна?
-Миний хувьд хамгийн шилдэг уралдаан боллоо. Би энэ амжилтыг гаргахын тулд маш шаргуу бэлтгэл хийсэн. Хэдийгээр энэ олимп миний хувьд гурав дахь нь болж байгаа ч амжилт гаргах маш том зорилго тавьж, өөрийгөө хариуцлагатай байхыг сануулж байлаа. Хамгийн гол нь надад итгэж байсан хүмүүсийн итгэлийг алдах эрх байгаагүй. Тиймээс ч хичээсэн, зүтгэсэн, итгэлийг нь алдсангүй. Маш их баяртай байна.

-Танд баярлалаа.