Энэ сарын 11-12-нд цагдаагийн байгууллагад иргэд, аж ахуйн нэгжээс 3705  удаа холбогдож 1071  мэдээлэл шалгагдсанаас, гэмт хэргийн 76,  зөрчлийн 570,  согтуугийн 398,  зам тээврийн  ослын 351, сонгуультай холбоотой 5 мэдээлэл бүртгэгдэж, гэмт хэргийн шинжтэй 47 үйлдлийг холбогдох нэгжүүд шалган, 27 хэргийн эзэн холбогдогчийг илрүүлжээ.

Улаанбаатар хотод золгүй байдлаар 2 хүн нас барж, хүнийг санаатай алах 2, хүчиндэх 1, дээрэмдэх 1, булаах, хулгайлах 18, халаасны хулгай 3, бусдын биед гэмтэл учруулах 2, танхайрах 2 гэмт хэрэг бүртгэгдэж, зам тээврийн хэрэг 9, осол 5 гарч 10 хүн гэмтсэн байна.