Үндэсний телевиз
Цагийн хүрд
Найм арваннэг
Засгийн газрын гишүүдийг авилгын хэрэгт буруутгаад байгаа Болгарын ард иргэд жагсаал зохион байгуулан, парламентын ордныг бүслэн хаажээ. Үүний улмаас 100 гаруй улс төрч, сэтгүүлч, ажилтнууд парламентын ордноос гарч чадалгүй түгжигдэн таван цаг болж байгаа юм байна. Энэ үеэр цагдаа болон жагсагчдын хооронд мөргөлдөөн болж улмаар хэд хэдэн жагсагч, нэг цагдаа бэртэж гэмтсэн байна.
Олон хоног үргэлжилсэн томоохон хэмжээний жагсаал болж буйгаас үүдэн Засгийн газрын сайд нар төсөвтөө нэмэлт өөрчлөлт оруулахаар хэлэлцэж байна. Болгар нь Европын холбооны гишүүн улс бөгөөд одоогийн эвслийн Засгийн газар эрх мэдлээ хүлээж аваад ердөө хоёр сар гаруй болж байгаа ч тус улс дахь хэвлэл мэдээллийн томоохон магнат Делян Пийвскиг Үндэсний аюулгүй байдлын агентлагийн даргаар томилсноос үүдэн энэхүү олон нийтийн эсэргүүцлийн жагсаал эхэлжээ.
| Жагсагчид парламентын ордныг бүслэжээ | ||
| Үзсэн: 849 | Mongolian National Broadcaster |
М.Тодхүү
С.Байгалсайхан
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.