Шинэ хунтайж төрсөн тухай мэдээлэл олон нийтэд түгж байх үес  дэлхийд алдартай АНУ-ын мэдээллийн суваг болох “CNN” ноцтой алдаа гаргажээ. Тус телевизээр  Их Британийн хааны гэр бүлд шинэ хүн мэндэлсэн талаар мэдээлэл цацах  үед “Кембрижийн гүнгийн ахайтан хүү төрүүллээ” гэсэн гарчигтай мэдээнийх нь доор “Хүүхэд газар дээрээ амиа алдсан” гэх мэдээлэл давхар урсаж байсан гэнэ. Үүнийг харсан хүмүүс урсдаг зарыг хараад, буруугаар ойлгон ихэд цочирдсон гэнэ. Хожмоо алдаа гарсан болохыг тогтоосон бөгөөд тэрхүү “амиа алдсан” гэх хүүхдийн хэрэг  АНУ-ын Арканзас мужид нэг хүү хөрш айлдаа орон, буу оролдож байгаад өөрийгөө буудсан бөгөөд эмч нар хүүг амиа алдсаныг тогтоосон  тухай мэдээлэл байжээ.