Үндэсний телевиз
Цагийн хүрд
Найм арваннэг
Өндөр түвшний авлигатай тэмцэх зорилготой хуулийн төслийг Болгарын парламентын гишүүдийн дийлэнх олонх нь дэмжжээ. Өөрөөр хэлбэл, уг хуулийн төслийн анхны хэлэлцүүлгийг явуулахад 130 гишүүн дэмжиж, 28 гишүүн татгалзаж, 13 гишүүн хуралдаанд ирээгүй байна.
Хэрэв энэ хууль батлагдвал, авлигатай тэмцэх шинэ байгууллага буюу Авлигатай тэмцэх үндэсний товчоо хэмээх байгууллагыг байгуулах боломжтой болох юм. Уг хуулийн төсөлд авлигатай тэмцэх механизм, хууль бусаар олж авсан хөрөнгийг хураахтай холбоотой харилцааг тусгасан байгаа аж. Мөн түүнчлэн албан тушаалтнуудаар хөрөнгө, орлогын мэдүүлгийг гаргуулж байхаар тусгажээ.
Авлигын талаар төрийн байгууллагад мэдэгдэхдээ нэрээ нууцлах боломжийг бүрдүүлэхэд гишүүд нэлээд маргаантай байгаа юм. Өнгөрсөн онд хуулийн анхны төслийг парламентаас дэмжихгүй байсан бол энэ удаа хоёр дахь хувилбарыг ийнхүү дийлэнх олонх дэмжээд байна.
Эх сурвалж: novinite.com
| Болгарын парламент авлигатай тэмцэх хуулийн шинэчилсэн найруулгыг дэмжив | ||
| Үзсэн: 307 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.