"Цагийн хүрд" мэдээллийн хөтөлбөр: 2020 он гарснаас хойш төгрөгийн америк доллартай харьцах ханш 3 хувиар суларсан байна. Энэ нь манайхтай ижил уул уурхайн экспортын хамаарал өндөртэй улс орнуудын үндэсний мөнгөн тэмдэгтийн ханшийн сулралтай харьцуулахад харьцангуй тогтвортой байдал гэж харж болохоор байна. Харин оны сүүлийн хагаст гадаад валютын орох урсгал нэмэгдэх хандлагатай байгаа учраас цаашид төгрөгийн ханш тогтвортой байх нөхцөл үүсээд байна гэж мэргэжилтнүүд хэллээ.