Үндэсний телевиз
Цагийн хүрд
Найм арваннэг
Болгарт Ерөнхий сайд Бойко Борисова болон Ерөнхий прокурор Иван Гешевийг огцруулахыг шаардагсдын жагсаал цуглаан 21 дэх өдрөө үргэлжилж байна. Жагсагчид нийслэл Софи хотын төв дүүргийн гол замуудыг өглөөнөөс эхлэн хаасан бөгөөд орой нь тусгаар тогтнолын талбайд цугларцгаажээ.
Цагдаа нар өргөн бүрэлдэхүүнтэйгээр харуул хамгаалалтад гарч байсан ч жагсагчдын эсэргүүцлээ илэрхийлэх боломжид саад учруулаагүй байна. эсэргүүцлийн жагсаал нийслэлээс гадна бусад хотуудад ч болжээ. Эсэргүүцэгчид амьдралын чанарыг сайжруулж, цалин хөлсийг нэмэгдүүлэхийг шаардаж байгаагаа илэрхийлж байсны дээр засгийн газраас шударга ажиллахыг шаардаж байгаа юм.
Ерөнхий сайд жагсагчдад хандаж жагсаал цуглаан хийх эрхээ эдэлж болох ч зам талбай хааж бусдад хүндрэл учруулахгүй байхыг уриалсан байна. Мөн ирэх оны сонгуулиар ардчилан сонголтоо хийх боломжтойг сануулж байлаа.
| Жагсагчид Софи хотын төвийн тээврийн хэрэгслийн хөдөлгөөнийг хаажээ | ||
| Үзсэн: 544 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.