Австралийн засгийн газар Гүүгл Фэйсбүүк зэрэг технологийн томоохон компаниудаас хэвлэл мэдээллийн хэрэгслийнхний контент ашигласны төлбөр гаргуулах төлөвлөгөөгөө танилцууллаа. Тус улсын сангийн сайд Жош Фриденберг энэ тухай мэдэгдсэн бөгөөд шударгаар ажиллах тэгш нөхцөл бүрдүүлэх үүднээс ийм хуулийн төсөл боловсруулаад байгаагаа мэдэгдсэн юм. Гэвч Гүүгл Фэйсбүүкийн Австралийн засгийн газрын энэ санаачлагыг хүлээн авахаас эрс  татгалзаж байна. 

Түүгээр ч зогсохгүй Австралийн зах зээлээс ч гарна хэмээн мэдэгдэж байна. Харин Австралийн эрх баригчид контентийн төлбөр төлөхгүй бол олон зуун сая долларын торгууль оноохоо мэдэгдэж байна. Гүүглийнхний тухайд чанартай мэдээлэл нийлүүлсэн агентлагуудад мөнгө төлөхөд бэлэн гэдгээ өмнө нь илэрхийлж байсан ч ийм төслөө энэ оны сүүлчээс хэрэгжүүлэхээр төлөвлөж байгаагаа мэдэгдэж байсан билээ.