Үндэсний телевиз
Цагийн хүрд
Найм арваннэг
Кени улсын хурдны замаар ачаа хэтрүүлэн ачсан ачааны машинуудыг явуулсан, явуулахын тулд замын асуудал хариуцсан төрийн албан тушаалтанд хээл хахууль өгсөн хэргээр БНХАУ-ын “Чайна рөүдс”, “Бриж Констракшн” компанийн захирал болох Тан Жу, Лиу Яабин нарыг баривчлаад байна.
Тодруулбал, хурдны замаар стандарт хэмжээнээс хэтэрсэн барилгын материал ачсан тээврийн хэрэгслүүд явж байна гэсэн Кенийн Авлигын эсрэг хороонд ирсэн гомдлын дагуу тухайн асуудлыг шалгаж эхэлжээ. Авлигын эсрэг хорооны албан хаагчдын мэдэгдсэнээр Тан Жу нь хурдны зам хариуцсан албан хаагчид 1000 ам.долларын хээл хахууль санал болгосон бол Лиу Яабин 285 ам.долларын хээл хахууль өгсөн нь тогтоогджээ.
Одоогоор БНХАУ-ын хоёр компанийн захирлыг батлан даалтад гаргаж, хэргийг шүүх рүү шилжүүлсэн бөгөөд шүүх хуралдааны товыг хүлээж байгаа аж. Эдгээр компани нь Момбасагаас Найроби хүртэл буюу 400 орчим км замыг тавих төслийг хэрэгжүүлж байсан байна.
Эх сурвалж: fcpablog.com
| Барилгын компанийн хоёр захирлыг хээл хахуулийн хэргээр баривчиллаа | ||
| Үзсэн: 501 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.