МҮОНР-ийн Нэвтрүүлгийн хэлтсийн дарга, МЗЭ-ийн шагналт зохиолч Бидэрийн Баярсайхан. Монголын радиод  18 дахь жилдээ ажиллаж байна. Богино өгүүллэгийн “Утгын чимэг” наадамд “Эртний явдал” өгүүллэгээрээ тэргүүн байр, “Үйлийн үрийн төлөөс” өгүүллэгээрээ дэд тэргүүн, “Өлөгчин” өгүүллэгээрээ гутгаар байрын шагнал хүртэж байсан. “Болор цом-23” наадмын тавдугаар байр, “Болор цом-29” наадмын гуравудгаар байрын шагналтай. “Аргал хатаагүй зун”, “Залуу насны гэрэлт шувуу”, “Хүн загасны цөөрөм”, “Өлөгчин тэргүүт өгүүллэгүүд” яруу найраг, хүүрнэл зохиолын ном, “Шилмэл өгүүллэгүүд” CD гаргасан.