-Банкууд бол хувийн байгууллага учир өөрсдөө эрсдлээ харна. Тиймээс ч өөрсдийн дотоод журмаар асуудлаа шийдэж байгаа байх. Ямартай ч бид хямд, чанартай орон сууцаа бариад өгчихлөө. Гэхдээ иргэдээс зээлийн нөхцөл чанга байгаа гэх асуудлыг тавьж байгаа. Тиймээс бид “Банкуудын холбоо”-ны удирдлагуудад хүсэлт илгээж уулзахаар болоод байна. Маргааш эхний уулзалт болно. Тус уулзалтаар зорилтот бүлгийн иргэдэд зээлийн нөхцлөө зөөлрүүлэх хүсэлт тавина. Тэд хэрхэн хүлээж авахаас бүх зүйл шийдэгдэнэ дээ.  

 

-Засгийн газраас гаргасан журмын шаардлагад арилжааны банкаас тавих зээлийн шалгуур шаардлага хангасан байх ёстойг заасан байгаа. Гэтэл сугалаанд оролцсон иргэд бүгд л энэ үзүүлэлтийг хангасан гэж захиалгаа өгсөн. Иргэдээс ирж буй гомдлын дийлэнх нь “орлогын хэмжээ хүрэхгүй” гэх шалтгаанаар буцаагдаж байгаа.

 

-Нийгэмд маш олон янзын ойлголт гарч байна. Энэ нь зөвхөн зээлтэй холбоотой асуудлууд юм. Үүнийг бид дангаараа шийдэж нэгтгэх боломжгүй. Заавал банкуудтай харилцан зөвшилцөж байж тулгараад байгаа асуудлаа нэг ойлголтод аваачих боломжтой. Тэгэхээр нэгдсэн нэг ойлголтод хүрэх асуудлыг маргаашийн уулзалтаар ярина.

 

-Засгийн газраас хэрэгжүүлж буй найман хувийн зээлээр олгож буй хөрөнгө банкуудын мөнгө биш. Чингис бондоос санхүүжиж байгаа, цаашлаад ипотекийн үнэт цаас болж олон улсад арилжигдах юм. Энэ утгаараа банкууд бизнесийн байгууллага ч гэсэн ард иргэдийн өмнө хүлээх хариуцлага гэж байх ёстой. Үүнийгээ ухамсарлаж ойлгох байх гэдэгт найдаж, ойлголцолд хүрэх байх.

 

-Журмаараа 45 хоногийн дотор байр сонгоод, урьдчилгаа төлбөрөө төлөх ерөнхий хугацаа байгаа. Харин зээлийн гэрээ хийх 10 хоногийн хугацаа бол сонгосон байраа баталгаажуулах хоног юм. Өөрөөр хэлбэл, энэ 10 хоногтоо багтаж банктай зээлийн гэрээ хийгээгүй бол тухайн иргэний сонгосон байр, давхар, тоот нь хүчингүй болно. Харин сугалаа нь 45 хоногтоо хүчинтэй байна гэсэн үг юм. Тэгэхээр өөр байр сонгох эрх нээлттэй байна.