Тэдний хүсэлтийг төрийн өндөрлөгүүд хүлээн авахгүй бол хуурай өлсгөлөнд шилжинэ гэдгээ мөн хэлсэн юм.

 

 

 

 

-“Босоо хөх Монгол” ТББ-аас 500 гаруй хүн байна. “Ноён уулаа аваръя” хөдөлгөөнөөс 40-50-аад хүн байна.

 

-Нийт есөн хүн өлсгөлөн зарлаж байна.

 

-60 гарсан нэг эгчийн маань бие жаахан тиймхэн байна. Бусад нь бол гайгүй байгаа. Эмч нар үзэж байгаа. Өчигдөр ирсэн, өнөөдөр ирээгүй байна.

-Бид хугацаагүйгээр зарласан. Хатуухан хэлэхэд, амиа золиослоход ч бэлэн байна. Бидний шийдвэрийг хүлээн зөвшөөрөхгүй бол бид үргэлжлүүлсээр л байх болно.  

 

-Монголын ард түмэн их хандаж байна. Одоогоор энд 70 мянга гаруй хүн дэмжиж гарын үсэг зурсан байна. Харин бидний сонгосон төрийн түшээд л анхаарлаа хандуулаагүй байна.

 

-УИХ-ын гишүүн Г.Уянга, С.Ганбаатар, Х.Болорчулуун, Б.Бат-Эрдэнэ нар ирсэн. Гишүүд Ноён уулыг ухаад дуусах нь байна. Тэмцэх нь зөв гэдгийг хэлсэн. Бид дотроосоо тэмцье, Ерөнхийлөгч, Ерөнхий сайд нарт албан тоот өгье, та нар гаднаасаа дуу хоолой болоод байж бай гэсэн.  

 

-Бид нар анх хоёрдугаар сарын есний өдөр Ерөнхийлөгч, УИХ-ын дарга, Ерөнхий сайдад шаардлага хүргүүлсэн. Тэгээд хоёр хоногийн дараа өлсгөлөн зарлаж эхлэхдээ дахиад хүргүүлсэн. Өнөөдөр бидэнд нэг хариу гарч ирэх болов уу гэж бодож байна. Хариу гарч ирэхгүй бол бид шууд хуурай өлсгөлөнд ороход бэлэн байна.

 

-Бид өөрсдөдөө бүрэн дүүрэн итгэлтэй байна. Монголын ард түмэн бүгдээрээ биднийг дэмжиж байхад үүний төлөө зүтгэхгүй бол болохгүй. Чуулганаар хэлэлцэхээргүй боллоо гээд орхихгүй. Монгол Улсын Ерөнхийлөгч л үүн дээр хориг тавих ёстой. Ноён уулаа ухахаа боль, Стратегийн ордыг буцаагаад эргүүлэн тат, Урт нэртэй хуулий дагаж мөрдөх журамд өөрчлөлт оруулахаа зогсоо гэсэн хоёрхон байр суурьтай л Ерөнхийлөгчид хандсан байгаа. Монгол Улсын Ерөнхийлөгчид Үндсэн хуульд заасан эрх нь байгаа. Хуульд хориг тавих эрх нь байгаа, Ноён уулыг ЮНЕСКО-д бүртгүүлэх эрх нь байгаа. Одоо ингээд иргэд гадуур цагаан сар гээд л явж байх шиг байна. Гэтэл бидэнд эх орон, газар шороо байхгүй болчихвол юуных нь Цагаан сар байх вэ дээ.

 

-Булш байхгүй биш, эд нар чинь нэг талаасаа очоод байгаа юм. Араар нь тойроод очих юм бол булш байгаа. Дээр эрдэмтэд хурал хийсэн ш дээ. Тэр үед би яг хажууд нь байгаа таван булшных нь талаар асуухад бид мэдэхгүй байна гэсэн. Тэгсэн хэрнээ энэ ордыг ашиглачих юм бол манай улсад хэрэгтэй гээд эсрэг юм яриад байсан. Булш нь хоёрхон км-ийн цаана л байгаа. Тэгээд ч тэр шинжээчдийн баг нь манай улсад газрын гүн дэх булш бунханг судлах багаж байхгүй, газрын гүнд булш байж ч магадгүй, байхгүй ч байж магадгүй гэсэн.

Эндээс заавал алтыг нь авч ашиглахдаа биш шүү дээ. Өөр аргаар ашиглаж болно. Жишээ нь, энд хүн үүссэн гээд аялал жуулчлалын бүс болгож болно шүү дээ. Өвөрмонгол өнөөдөр ганцхан ширхэг Хүннүгийн булш олсон, түүн дээрээ сая, сая жуулчин татаж байна. Тэгэхэд манайд бэлэн байгаа 230 гаруй булшийг бид устгах гэж байна шүү дээ.